Rubber Daily Price Kerala 17/12/2018
Rubber RSS4 Kottayam: 124.00
Rubber RSS5: 120.00
Rubber Loose: 115.00
Rubber Lot: 106.00 – 110.00
Rubber scrap: 83.00
Rubber Latex: 89.00
Field Latex: 125.00
Rubber ISNR 20: 112.00
For SMS and Whatsapp Rubber Prices please contact 09744344233. 09495989460
Register Online at RubberIndiaonline.com for 5 day free trial SMS and Whatsapp Rubber Price Alerts
Rubber Market Kerala Today, Rubber Daily Price Kerala Today, Rubber Spot Price Kerala, Rubber Kottayam Price, Rubber Kochi Price, Rubber , Rubber Price Kerala, Rubber Market News, Rubber Board, Rubber Sheet Price, Rubber Latex Price, Pepper Price, Arecanut Price, Cardamom Price, Coconut Price, Kopra Price, Coffee price, Kerala Rubber Market
MARKETവിപണിയിൽ ക്രിസ്മസ് തിളക്കം
FROM DEEPIKA
വിപണി വിശേഷം/കെ.ബി. ഉദയഭാനു
ടോക്കോമിൽ റബർ മുന്നേറിയത് ഇന്ത്യൻവ്യവസായികളെ ആഭ്യന്തര മാർക്കറ്റിലേക്ക് അടുപ്പിച്ചു. ക്രിസ്മസ് അടുത്തതോടെ വെളിച്ചെണ്ണ വിപണി ചൂടുപിടിക്കുന്നു. യുഎസ്‐യൂറോപ്യൻ ബയർമാർ പുതുവത്സരാഘോഷങ്ങൾക്കായി അന്താരാഷ്ട്ര സുഗന്ധവ്യഞ്ജന വിപണിയിൽനിന്ന് പിൻവലിയുന്നു. ഡോളറിന് തിളക്കമേറിയതു സ്വർണവിലയെ ബാധിച്ചു.
റബർ
ആഗോള റബർവില മൂന്നാഴ്ചയ്ക്കിടയിൽ മൂന്ന് ശതമാനം ഉയർന്നതു നിക്ഷേപകർക്കും റബർ കർഷകർക്കും പ്രതീക്ഷ സമ്മാനിച്ചു. രണ്ടു വർഷമായി തുടരുന്ന പ്രതിസന്ധിയിൽനിന്ന് പുതുവർഷത്തിൽ രക്ഷനേടുമെന്ന നിഗമനത്തിലാണു കേരളത്തിലെ റബർ ഉത്പാദകർ. ടോക്കോം എക്സ്ചേഞ്ചിൽ കിലോഗ്രാമിന് 300 യെന്നിൽനിന്ന് 131 യെൻവരെ തളർന്ന റബർ അടുത്ത വർഷം ആദ്യ പാദത്തിൽ 190 യെന്നിലെ പ്രതിരോധം മറികടക്കാൻ ശ്രമിക്കാം. ഓട്ടോ മൊബൈൽ മേഖലയിലെ വളർച്ച കണക്കിലെടുത്താൽ വർഷത്തിന്റെ രണ്ടാം പകുതിയിൽ കിലോയ്ക്കു 230‐245 യെന്നിലേയ്ക്കു റബർ ചുവടുവയ്ക്കാനും ഇടയുണ്ട്. കഴിഞ്ഞ വർഷം ആദ്യം ജപ്പാനിൽ റബർവില 300 യെന്നിന് മുകളിലായിരുന്നു.
ഇതിനിടയിൽ തായ്ലണ്ട്, ഇന്തോനേഷ്യ, മലേഷ്യ എന്നീ രാജ്യങ്ങളിൽ റബറിനെ ബാധിച്ച പ്രതിസന്ധിക്കു പരിഹാരം കാണാൻ കഴിഞ്ഞ ദിവസം യോഗം ചേർന്നങ്കിലും വ്യക്തമായ തീരുമാനത്തിൽ എത്താനായില്ല. വർഷാന്ത്യത്തിനു മുമ്പായി ഒരിക്കൽകൂടി ഒത്തുചേരാനുള്ള ഒരുക്കത്തിലാണവർ. ക്രൂഡ് ഓയിൽ ഉത്പാദനം കുറയ്ക്കാനുള്ള ഒപ്പെക്ക് തീരുമാനവും റബറിന് ഗുണകരമാണ്.
സംസ്ഥാനത്ത് റബർ ഉത്പാദനം ഉയർന്നു. മരങ്ങളിൽനിന്നുള്ള യീൽഡ് പല ഭാഗങ്ങളിലും വർധിച്ചതിനൊപ്പം വിപണികളിലേക്കുള്ള ഷീറ്റ്‐ ലാറ്റക്സ് വരവ് നവംബറിനെ അപേക്ഷിച്ച് ഉയർന്നു. അന്താരാഷ്ട്രമാർക്കറ്റിൽ റബർവില ഉയർന്നതിനിടയിൽ രൂപയുടെ മുല്യം ഇടിഞ്ഞത് ഇന്ത്യൻ ടയർ ഭീമൻമാരെ ആഭ്യന്തര മാർക്കറ്റിൽനിന്ന് ചരക്ക് സംഭരിക്കാൻ പ്രേരിപ്പിച്ചു. 11,800 രൂപയിൽനിന്ന് നാലാം ഗ്രേഡ് 12,300 ലേക്കു കയറി. 500 രൂപയുടെ മികവുമായി അഞ്ചാം ഗ്രേഡ് 11,800 രൂപയായി. ലാറ്റക്സ് 8300 രൂപയിലാണ്. ഉത്സവ ആവശ്യങ്ങൾക്കു വേണ്ടിയുള്ള പണത്തിനായി ചെറുകിട കർഷകർ ഈ വാരം കൂടുതൽ ഷീറ്റ്, വില്പനയ്ക്ക് ഇറക്കാൻ ഇടയുണ്ട്.
നാളികേരം
വെളിച്ചെണ്ണ വിപണി ക്രിസ്മസിനെ വരവേൽക്കാനുള്ള ഒരുക്കത്തിലാണ്. ഇനിയുള്ള ദിവസങ്ങളിൽ ഉത്സവ ഡിമാൻഡ് വെളിച്ചെണ്ണയ്ക്ക് ചൂടുപകരാം. ബംപർ വില്പന മുന്നിൽകണ്ട് തമിഴ്നാട്ടിൽനിന്ന് ഉയർന്ന അളവിൽ എണ്ണ നിത്യേന എത്തുന്നുണ്ട്. കൊച്ചിയിൽ 14,200 രൂപയിൽനിന്ന് വെളിച്ചെണ്ണ വില 14,600 രൂപയായി. കൊപ്ര 9600ൽനിന്ന് 9815 രൂപയായി. മികച്ചയിനം കൊപ്ര പതിനായിരം രൂപയ്ക്കു മുകളിലാണ്. പല ഭാഗങ്ങളിലും വിളവെടുപ്പു പുരോഗമിക്കുന്നതിനാൽ പച്ചത്തേങ്ങയുടെ ലഭ്യത പതിവിലും ഉയർന്ന് തുടങ്ങി.
കുരുമുളക്
യുഎസ്‐യൂറോപ്യൻ ബയർമാർ പുതുവത്സരാഘോഷങ്ങൾക്ക് ശേഷമേ അന്താരാഷ്ട്ര സുഗന്ധവ്യഞ്ജന വിപണിയിൽ ഇനി തിരിച്ചെത്തൂ. വാങ്ങലുകാർ രംഗം വിടുംമുമ്പേ പരമാവധി കച്ചവടങ്ങളിൽ ഏർപ്പെടാൻ ഒട്ടുമിക്ക കുരുമുളക് ഉത്പാദകരാജ്യങ്ങളും ഉത്സാഹിച്ചു. ബ്രസീലും വിയറ്റ്നാമും താഴ്ന്ന നിരക്കിൽ ക്വട്ടേഷൻ ഇറക്കിയെങ്കിലും കാര്യമായ വ്യാപാരങ്ങൾ ഉറപ്പിച്ചില്ലന്നാണ് വിവരം.
ഇന്ത്യയും വിയറ്റ്നാമും മാർച്ചിൽ പുതിയ കുരുമുളക് ഇറക്കും. ഈ അവസരത്തിൽ താഴ്ന്ന വിലയിലെ ഓഫറുകൾ എത്തുമെന്നാണ് യുറോപ്യൻ ബയർമാരുടെ പക്ഷം. ഇന്ത്യൻ നിരക്ക് ടണ്ണിന് 5525 ഡോളറാണ്. ബ്രസീൽ 2200 ഡോളറിനും ചരക്ക് ഇറക്കിയതായാണ് വിവരം. വിദേശകുരുമുളക് ഇറക്കുമതിക്ക് നിയന്ത്രണം വരുമെന്ന സൂചനകൾ കൊച്ചിയിൽ അൺ ഗാർബിൾഡ് മുളകിന്റെ വില 36,300 ൽ നിന്ന്37,000 ലേക്ക് ഉയർത്തി.
