Rubber Daily Price Kerala 04/03/2019
Rubber RSS4 Kottayam: 128.50
Rubber RSS5: 124.00
Rubber Loose: 118.00
Rubber Lot: 110.00 – 114.00
Rubber scrap: 92.00
Rubber Latex: 80.00
Field Latex: 113.00
Rubber ISNR 20: 122.00
For SMS and Whatsapp Rubber Prices please contact 09744344233. 09495989460
Register Online at RubberIndiaonline.com for 5 day free trial SMS and Whatsapp Rubber Price Alerts
Rubber Market Kerala Today, Rubber Daily Price Kerala Today, Rubber Spot Price Kerala, Rubber Kottayam Price, Rubber Kochi Price, Rubber , Rubber Price Kerala, Rubber Market News, Rubber Board, Rubber Sheet Price, Rubber Latex Price, Pepper Price, Arecanut Price, Cardamom Price, Coconut Price, Kopra Price, Coffee price, Kerala Rubber Market
Market Reports:
മാര്ക്കറ്റ് റിവ്യൂ : പ്രതീക്ഷയേകി റബര് വിപണി , കറുത്തപൊന്നിന് കഷ്ടകാലം തുടരുന്നു
FROM MANGALAM
റബര് വിലയില് കയറ്റം. അവധികച്ചവടക്കാരാണ് വില ഉയര്ത്തിയത്. വില ഉയര്ന്നതോടെ കര്ഷകര്ക്കിടയിലെ ഇടനിലക്കാര് റബര് പിടിച്ചുവയ്ക്കാന് തുടങ്ങി. കര്ഷകര്ക്കു ദോഷമല്ലാത്ത നിലയില് റബറിന്റെ ഇറക്കുമതിക്ക് നിയന്ത്രണംകൊണ്ടുവരുമെന്നുള്ള കേന്ദ്ര സര്ക്കാരിന്റെ മുന്നറിയിപ്പാണ് കൊച്ചിയില് റബര്വില ഉയര്ത്തിയത്.
ഇതിനിടയില് രാജ്യാന്തരവിപണിയില് റബര്വില ഉയര്ന്നതും അവധികച്ചവടക്കാര് വില ഉയര്ത്താന് നിര്ബന്ധിതരായി. ആര്.എസ്.എസ്. നാല് കിലോയ്ക്ക് 131 രൂപവരെ വില ഉയര്ത്തിയതോടെയാണ് ടയര് കമ്പനികള് വില ഉയര്ത്തി വാങ്ങിയത്.
വില വീണ്ടും കൂടുമെന്ന നിഗമനത്തില് ടയര് കമ്പനികളിലെ അത്യാവശ്യക്കാര് ആര്.എസ്.എസ്. നാല് കിലോ 129 രൂപവരെ വില ഉയര്ത്തിവാങ്ങി. ഇതോടെ രാജ്യാന്തര വിലയേക്കാള് റബറിന് ആഭ്യന്തര വില ഉയര്ന്നു.
െചെന ആര്.എസ്.എസ്. നാല് കിലോയ്ക്ക് 121 ല് വിറ്റത് വാരാന്ത്യം 124 രൂപയായും ബാങ്കോക്ക് 117.50 ല് വിറ്റ് നിര്ത്തിയത് വാരാന്ത്യം 124 രൂപയായും ടോക്കിയോ മാര്ക്കറ്റില് 115 ല് വിറ്റുനിര്ത്തിയത് 121 രൂപയായും വില ഉയര്ന്നാണ് വാരാന്ത്യം വ്യാപാരം നിര്ത്തിയത്. റബര്വില ഉയരാന് സാധ്യത ഉണ്ടായിരിക്കെ കര്ഷകരില് നിന്ന് റബര് വരവുകൂടി.
കൊച്ചിയില് 500 ടണ് റബറിന്റെ വ്യാപാരം നടന്നു. ടയര് കമ്പനികള്ക്ക് വിതരണം ചെയ്യുന്ന ഡീലര്മാര് രണ്ടായിരം ടണ് റബര് വാങ്ങി.
ചെറുകിട െസെക്കിള്, ടയര് ട്യൂബ്, ഓട്ടോ കമ്പനികളും വില ഉയര്ത്തിവാങ്ങി. വാരാന്ത്യം റബര് ഐ.എസ്.എസ്. ക്വിന്റലിന് 200 മുതല് 300 രൂപയും ആര്.എസ്.എസ്. നാല് ക്വിന്റലിന് 400 രൂപയും വിലകൂടി. വാരാന്ത്യ റബര് ഐ.എസ്.എസ്. ക്വിന്റലിന് 11900-12300 രൂപ. ആര്.എസ്.എസ്. നാല് ക്വിന്റലിന് 12900 രൂപ.
കുരുമുളകിന് വിനയായത് ഇറക്കുമതി
ഇറക്കുമതി തുടര്ന്നുകൊണ്ടിരിക്കെ കുരുമുളക് വിലത്തകര്ച്ചയില് തുടരുന്നു. കഴിഞ്ഞ ആഴ്ചയില് മാത്രം കുരുമുളക് ക്വിന്റലിന് 1200 രൂപയാണ് വില കുത്തനെ കുറഞ്ഞത്. കഴിഞ്ഞ ഒരുമാസത്തിനിടയില് കുരുമുളകിന്റെ വിലത്തകര്ച്ച ക്വിന്റലിന് 3200 രൂപ (കിലോയ്ക്ക് 32 രൂപ) വില ഇടിയാന് പ്രധാന കാരണം നേപ്പാള് വഴി ഉത്തരേന്ത്യയില് വിയറ്റ്നാം മുളക് വിറ്റുകൊണ്ടിരിക്കുകയാണ്.
കൊച്ചി വിലയേക്കാള് കിലോയ്ക്ക് 20 രൂപവരെ വില കുറച്ചാണ് ഇറക്കുമതി മുളക് വില്ക്കുന്നത്. കൊച്ചി ടെര്മിനല് വിപണിയിലും ഇറക്കുമതി മുളകാണ്. നാടന് മുളകുമായി കൂട്ടിക്കലര്ത്തി വില്പ്പനയ്ക്കെത്തിയത്. രാജ്യാന്തര വിപണിയിലും ഇന്ത്യയിലും കയറ്റുമതിക്കാര് പുതിയ കരാര് തേടി വില കുറച്ചു.
കുരുമുളക് ടണ്ണിന് 5200 ഡോളറില് നിന്ന് 5075 ഡോളറായി വിലകുറച്ചാണ് ഓഫര് തുടങ്ങിയത്. വിയറ്റ്നാം ബ്രസീല് യഥാക്രമം 2000 ഡോളറിലും ഇന്തോനേഷ്യ 2500 ഡോളറിലും ശ്രീലങ്ക 2500-2700-3000 ഡോളറിലാണ് ഓഫര് തുടരുന്നത്. കുരുമുളകിന്റെ ഇറക്കുമതിക്കെതിരേ കേന്ദ്ര സര്ക്കാര് ഒരു നടപടിയും സ്വീകരിക്കാത്തതില് ഇന്ത്യയിലെ കയറ്റുമതി സമൂഹം ഒന്നടങ്കം പ്രതിഷേധത്തിലാണ്.
സ്വര്ണവില കുറയുന്നു
രാജ്യാന്തരവിപണിയില് സ്വര്ണവില കുത്തനെ കുറഞ്ഞതോടെ ആഭ്യന്തര വിപണിയിലും സ്വര്ണവില കുറഞ്ഞു. നിക്ഷേപകരുടെ പിന്മാറ്റമാണ് വില ഇടിയാന് രാജ്യാന്തര വിപണിയില് പ്രതികരിച്ചത്. ലണ്ടനില് സ്വര്ണം ഔണ്സിന് (31.100 മില്ലിഗ്രാം) 31 ഡോളര് വില കുത്തനെ കുറഞ്ഞു.
1327 ഡോളറില് വിറ്റുനിര്ത്തിയത് ലണ്ടനില് വാരാന്ത്യം 1296 ഡോളറായി വിലകുറഞ്ഞു. ആഭ്യന്തരവിപണിയില് സ്വര്ണം പവന് 560 രൂപ വിലകുറഞ്ഞു. പവന് 24840 ല് നിന്ന് 24280 രൂപയായി വില കുറഞ്ഞു.
രൂപയ്ക്ക് നേട്ടം. കഴിഞ്ഞവാരം രൂപയ്ക്ക് 16 െപെസയുടെ നേട്ടം ഡോളറുമായുള്ള വിനിമയ നിരക്കില് രൂപയുടെ മൂല്യം 71.14 ല് നിന്ന് 70.98 െപെസയായി മെച്ചപ്പെട്ടു. വില കുറഞ്ഞിട്ടും ജുവലറികളില് കാര്യമായ വില്പ്പനയില്ല.
വിവാഹസീസണ് കഴിഞ്ഞതോടെ സ്വര്ണ വിലയില് കയറ്റത്തിനു സാധ്യത കുറവാണ്. ക്രൈസ്തവര്ക്ക് നോമ്പുകാലമായതോടെ ആഭരണശാലകളില് സ്വര്ണവില കുറയുമെന്നാണ് വ്യാപാര വൃത്തം പറയുന്നത്.
ഇറക്കുമതിക്ക് നിയന്ത്രണം ഏര്പ്പെടുത്തിയില്ലെങ്കില് സംസ്ഥാനത്തെ കുരുമുളക് കര്ഷകര്ക്കാണ് കനത്ത സാമ്പത്തിക നഷ്ടം വരുന്നത്. വാരാന്ത്യവില കുരുമുളക് അണ്ഗാര്ബിള്ഡ് ക്വിന്റലിന് 32200 രൂപ. ഗാര്ബിള്ഡ് മുളക് 34200 രൂപ.
ഡിമാന്ഡ് കുറഞ്ഞതോടെ കേരോല്പന്നങ്ങള്ക്ക് വില കുറഞ്ഞു. വെളിച്ചെണ്ണ ക്വിന്റലിന് 200 രൂപ വീതം വിലകുറഞ്ഞു. വെളിച്ചെണ്ണ വില കുറഞ്ഞതോടെ പാംഓയിലിന് 70 രൂപ വിലകുറഞ്ഞു. പാംഓയില് 6520 രൂപയില് നിന്ന് 6450 രൂപയായി വിലകുറഞ്ഞു.
ചുക്ക് മീഡിയം ക്വിന്റലിന് 25000, ബെസ്റ്റ് ചുക്ക് 27500, മഞ്ഞള് നാടന് 12500, അടക്ക 22000-23000 രൂപ. ജാതിക്ക തൊണ്ടന് 260, തൊണ്ടില്ലാത്തത് 460, ജാതിപത്രി ചുവപ്പ് 800, മഞ്ഞ 900, നാടന് ഗ്രാമ്പു 725, അരി പച്ച 2900, പുഴുക്കല് 2900, ജയ 3200 രൂപ.
ജോസഫ് വെണ്ണിക്കുളം
